Бул жашоодо жетпесем да, алтыным,
Күтөм сени түбөлүктүү жашоомдо.
Сен деп соккон жүрөгүмдү эзилтип,
Көз алдыма өткөн күндөр тартылып.
Тамчым менин, мөлтүрөгөн таптаза,
Келип мага кучагыма тамчыла.
Күтүп сени кезигермин бир күнү,
Күркүрөгөн булуттардай бир сага.
Тамчы сымал биздин жандар алсырап,
Жашообуздун агымында жол салат.
Билесиңби агып барып тамчылап,
Өз жолунда түгөйүнө кошулат.
Тамчым менин, мөлтүрөгөн таптаза,
Келип мага кучагыма тамчыла.
Күтүп сени кезигермин бир күнү,
Күркүрөгөн булуттардай бир сага.
Үзүлбөгөн үмүт менен эми жашаймын.
Бирок турмуш ачпайт артка барагын.
Жүрөгүмдү оорутуп, жан дүйнөмдү соолутуп,
Жаным эми кезикпейм сага.
Тамчым менин, мөлтүрөгөн таптаза,
Келип мага кучагыма тамчыла.
Күтүп сени кезигермин бир күнү,
Күркүрөгөн булуттардай бир сага.